Edhe Muhamed Useini thotë se avokati i tij e ka njoftuar për këtë lëvizje të Flamurtarit. “Më duket shumë pozitiv fakti se Flamurtari ka nisur pagesat me ish-lojtarët. Edhe mua më kanë kontaktuar. Por me çdo gjë po merret avokati im. Unë jam në fazën përgatitore dhe nuk jam marrë fare me këtë gjë.

Gjithsesi është shumë gjë e mirë që kanë nisur të lëvizin gjërat në Vlorë”, shprehet Useini, që nuk e mendonte ndonjëherë që te Flamurtari do të shkonin gjërat kështu. “Nuk e mendon te asnjë që Flamurtari do të zbriste në Kategorinë e Dytë. Nuk e meritonte këtë gjë dhe askush nuk e donte, por ashtu erdhën gjëra.

Tani duhet të shikohet se si duhet të bëhet ringritja. Secili të marrë përgjegjësinë e tij që i takon. Privatizimi mendoj se është një zgjidhje për të ardhmen dhe vazhdimësinë e klubit”, përfundon Useini.

Flamurtari ka filluar pagesat për Muhamed Useinin, Elton Kalenë, Goran Siljanovskin, Agustin Torasën, Artim Pollozhanin, Danilo Alveshin, Kristian Sirgin dhe Tomislav Bushiçin.

PANORAMASPORT.AL

NDIQE LIVE "PANORAMA TV"

---