Emanuel Egbo, trajneri i Tiranës, ka folur ditën e sotme përpara mediave, për sfidën ndaj Skënderbeut që do të luhet nesër në orën 17:00. Egbo është shprehur se ekipi do të futet në fushë për të dhënë më të mirën dhe se kjo sfidë është vlerësuar maksimalisht nga skuadra. Gjithashtu ai shprehet se nuk mendon për humbjen apo psikologjinë, por për atë që lojtarët do të japin në fushën e lojës.

Përgatitja për Skënderbeun? “Të gjitha ndeshjet janë në një nivel të vështirë. Edhe ndeshja me Luftëtarin dhe Flamurtarin është e njëta si kjo me Skënderbeun. Çdo ndeshje duhet të vlerësohet maksimalisht. Çunat dhe ekipi janë gati, që të japin  100%”.

Pushimi i tittullarëve? “Nuk më vjen mirë kur flitet për titullarët. Siç e kam thënë të gjithë lojtarët brenda në këtë ekip, janë titullarë. Nuk ka rëndësi se kush nis. Ka disa lojtarë që kanë lujatur shumë ndeshje bashkë, nuk mund t’i quajë titullarë, por lojtarë që rastis të nisin ndeshjen. Nuk ka ekip i parë dhe ekip i dytë te Tirana. Janë lojtarë të gatshëm në çdo ndeshje”.

Pikat e dobëta të Skënderbeut? “Ne gjithmonë shohim lojën tonë. Merrem me ekipin tim. E vlerësojmë Skënderbeun, kanë një trajner të mirë dhe lojtarë që kanë luajtur bashkë për disa vjet. Ndeshje është vlerësuar maksimalisht”.

Humbje në ndeshjen e kaluar? “Po, kemi fituar në Tiranë 3-1, dhe humbëm në Korçë 2-1. Nuk ka rëndësi çfarë ka ndodhur, shohim përpara. Nëse lojtarët luftojnë për çdo top dhe japin maksimumin do marrim atë që meritojmë”.

Ndalesë në këtë ndeshje dhe renie e psikologjisë? “Nuk mendoj asnjë gjë të tillë. Unë shoh përpara dhe lojtarët për të dhënë maksimumin. Ajo është më e rëndësishme për ne”.

Dita? “Unë flas për lojtarë që kam. Dita është një lojtar i mirë, është një armë plus për atë ekip që e ka. Nuk flas për lojtarët që s’kam në ekip”.

Ndeshje me shumë gola? “Besoj se Tirana di të krijojë raste dhe të shënoj. Kemi biseduar me lojtarët që nëse mbajmë zero mbrapa, mund të shënojmë gola. Skënderbeu dhe ne luajmë hapur.  Ai që bën më pak gabime do marrë maksimumin e ndeshjes”.

/PANORAMASPORT.AL/

NDIQE LIVE "PANORAMA TV"

---