Edeh debuton me gol te Tirana, Skënderbeu i “falet” Latifit (FOTO)
Skënderbeu dhe Tirana kanë fituar në dy miqësoret e luajtura pasditen e së shtunës. Kampionët e Shqipërisë mundën në miqësore Kamzën me rezultatin 1-0. Autor i golit për korçarët ishte Liridon Latifi në minutën e 44′.
Testi i radhës për ekipin e drejuar nga trajneri italian Andrea Agostineli duket se u mbyll me sukses, pasi pak ditë më pas (më 24 gusht), korçarët do të luajnë përballë Kukësit në Superkupën e Shqipërisë.
Nga ana e tyre verilindorët nuk kanë mbetur pas dhe kanë zhvilluar përgatitjet në kompleksin “Internacional”, në Pezë Helmes.
Një tjetër ndeshjes miqësore e luajtur pasditen e së shtunës ishte ajo mes Tiranës dhe Apolonisë në “Selman Stërmasi”.
Bardheblutë fituan me rezultatin 2-0 falë golit të nigerianit Edeh në minutën e 15′ dhe të Hoxhallarit në minutën e 44′.
Debutimi me gol i sulmuesit nigerian duket se është një lajm i mirë për ekipin e Ilir Dajës, pasi Edeh firmosi vetëm një ditë më parë kontratën bashkë me një tjetër futbollistë nga Gaboni, 25-vjeçarin Romuald Ntsitsigui.
NDIQE LIVE "PANORAMA TV"