E pranon dhe vetë presidenti i Empolit, Asllani është lojtar i Interit: Do të jetë emocionuese kur të luajë në Champions

Panorama Sport | Lajmet e fundit nga sporti

Postuar: Qershor 23, 2022 | 22:51


E pranon dhe vetë presidenti i Empolit, Asllani është lojtar i Interit: Do të jetë emocionuese kur të luajë në Champions

Zyrtarizimii mesfushorit të Kombëtares shqiptare, Kristjan Asllani, te Interi është vetëm çështje ditësh dhe këtë gjë e ka pranuar dhe vetë presidenti i Empolit, Fabricio Korsi, i cili shprehet se i vjen keq për largimin e tij.

asllani

“Përpara disa ditësh u takova me babain e Kristjanit. Lumturia në sytë e tij ishte e dukshme. Por përsëri më vjen keq që largohet nga realiteti ynë, kur ai ka qenë këtu që nga mosha 8-vjeçare. Ne u ndamë me emocione, tani ai do të tregojë se sa vlen për Interin. do të jetë emocionuese ta shikojë teksa luan në Champions”, ishin fjalët e Korsit për “Radio Sportiva”.

Shifrat e transferimit të shqiptarit drejt zikaltërve ende nuk dihen, por priten të zbulohen pas zyrtarizimit, që besohet të vijë në fillimin e muajit korrik.

PANORAMASPORT.AL