Ndodh edhe kështu. “Dhimbja e kokës“ para ndeshjes me Laçin për ekipin qipriot, Anorthosis, është topi që do të përdoret për t’u luajtur sot në orën 17:00.

Sipas asaj që raportojnë mediat qipriote, dje lojtarët e Anorthosis janë ankuar që përpara se të niste stërvitja e fundit në stadiumin e Laçit. “Topat e përdorura nga Laçi janë të Federatës Shqiptare të Futbollit dhe përdoren për kampionatin. Janë shumë më të rëndë se zakonisht dhe kjo ka shkaktuar pakënaqësi te Anorthosis, që menjëherë është ankuar te delegati i UEFA-s“, citohej në portalin “protathlima.com“.

Ndërkohë, “Panorama Sport“ ka siguruar disa foto ku duket qartë përmes mimikës së futbollistëve habia për topat që përdorin ekipet shqiptare.

NDIQE LIVE "PANORAMA TV"

---