E PAPRITUR/ Kukësit nuk i ndahen telashet, infektohen me koronavirus dy futbollistë para ndeshjes me Teutën
Tersi nuk i ndahet Kukësit. Pasi skuadra bojkoti dje stërvitjen për shkak të vonesës së pagave, verilindorët humbasin për ndeshjen e nesërme me Teutën dy futbollistët Godberg Kuper dhe Mehdi Hetemaj. Të dy lojtarët janë infektuar me koronavirus.
Edhe zëdhënësi i klubit Erjon Allaraj rezultoi pozitiv në testin e fundit për COVID-19. Lajmi është konfirmuar nga vetë klubi në faqen zyrtare.
Situata te nënkampionët e Shqipërisë bëhet akoma më e vështirë pasi përveç problemeve të brendshme, skuadrës i shtohen dhe mungesat e dy lojtarëve dhe teknikut Skënder Gega, i cili vazhdon të jetë me koronavirus.
NJOFTIMI I KUKËSIT
Futboll Klub Kukësi njofton se dy futbollistët Godberg Barry Cooper e Mehdi Hetemaj dhe zëdhënësi Erjon Allaraj kanë rezultuar pozitiv me Covid 19.
Futbolli Klub Kukësi iu uron shërim të shpejtë dhe iu bën thirrje të gjithëve të respektojnë protokollet dhe të qëndrojnë të sigurt!
PANORAMASPORT.AL
NDIQE LIVE "PANORAMA TV"
