“E pamë se çfarë ndodhi kundër Midtjylandit”, trajneri i Jang Bojs: Kujdes, Tirana mund të na bëjë dëm

Panorama Sport | Lajmet e fundit nga bota e sportit

Postuar: Shtator 19, 2020 | 21:16


“E pamë se çfarë ndodhi kundër Midtjylandit”, trajneri i Jang Bojs: Kujdes, Tirana mund të na bëjë dëm

Gerri Seoane, trajneri 41-vjeçar i Jang Bojsit, paralajmëron të tijtë se Tirana mund jetë një kurth si në sfidën e turit të tretë të Champions League. Në prononcimin pas shortit, trajneri i kundërshtarëve të Tiranës analizon bardheblutë, duke i konsideruar të rrezikshëm.

624

“Tirana është skuadra më e suksesshme në Shqipëri. Ka mundur Dinamon e Tbilisit 2-0 në turin e parë të Champions League. Ka humbur vetëm 1-0 me Crvena Zvezdën në turin e dytë dhe ka zhvilluar një ndeshje shumë të mirë. Këto rezultate e tregojnë qartë kualitetin e skuadrës shqiptare. E pamë se çfarë ndodhi kundër Midtjylandit. Në një ndeshje të vetme mund ta pësosh.

Nga ana tjetër, jemi të lumtur që luajmë në shtëpi. Do të bëjmë të pamundurën që të tregojmë veten ndaj Tiranës. Ama duhet të mendojmë si fillim për kampionatin. Duhet të jemi të përqendruar për sfidën e parë të Super League kundër FC Zurihut”, mbylli Seoane.

Ky i fundit është një lojtar i njohur i kampionatit zviceran, pasi më parë ka luajtur me Lucernën, Sionin, Deportivo La Corunan B, Belinzonën Aarau e Grasshopersin. Ka drejtuar Lucernën si trajner dhe prej 2018-ës është trajner i Jang Bojsit. Si futbollist ka qenë mbrojtës, ndërsa si trajner me Jang Bojsin nga 100 takime ka humbur vetëm 17 sfida. Seoane është arkitekt i dy titujve të fundit dhe Kupës së Zvicrës së Jang Bojsit. Skuadra sezonin e shkuar luajti në fazën e grupeve të Europa Leagues.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com