Paulo Dibala është futbollisti i Juventusit i konfirmuar si pozitiv i infektuar me koronavirus.

Klubi i Juventusit konfirmoi në një komunikatë të fundit për shtyp se futbollisti argjentinas rezultoi pozitiv me virusin COVID-19 pas testeve të fundit të kryera.

Pas Daniele Ruganit dhe Blez Matuidisë, Dibala është lojtari i tretë i Juventusit i konfirmuar si i infektuar me koronavirus.

Javën e kaluar, media argjentinase “El Nacional” pretendoi se Dibala dhe bashkëkombasi i tij Gonzalo Higuain rezultuan pozitiv me koronavirus. Por, Dibala e hodhi poshtë një lajm të tillë.

PANORAMASPORT.AL

NDIQE LIVE "PANORAMA TV"

---