Postuar: Mars 26, 2020 | 20:43
E kërkojnë shumë klube, Lotito përgatit një ofertë joshesë për Imobilen
Presidenti i Lacios Klaudio Lotito është i gatshëm t’i ofrojë një kontratë të re joshëse sulmuesit të tij Çiro Imobile.
Teksa mediat e huaja flasin se 30-vjeçari kërkohet nga Napoli dhe klube të tjera, kreu i klubit bardhekaltër do t’i ofrojë një marrëveshje të re sulmuesit të Italisë ku në varësi të numrit të golave dhe përmbushjes së objektivave të skuadrës (kualifikimi për në Ligën e Kampioneve dhe fitoren e kampionatit italian) do të përfitojë bonuse për 5 vitet e ardhshme.
Mbetet për t’u parë se çfarë do të vendosë Imobile deri në përfundim të këtij sezoni.
PANORAMASPORT.AL
NDIQE LIVE "PANORAMA TV"