Julian Nagelsman është bërë këtë verë protagonist edhe jashtë fushës së lojës. Trajneri i Bajern Mynih u nda nga bashkëshortja e tij, me të cilën ishte bashkë prej 15 vitesh, pasi ka nisur një histori të re. Gjithçka u mbajt sekrete deri në momentin kur ai u fotografua për në një jaht në Ibiza me të dashurën e re, Lena Vurzenberger.

Nuk do të kishte asgjë të çuditshme po të mos ishte fakti se Lena është një gazetare e “Bild” e cila mbulonte pikërisht Bajernin dhe shkruante vazhdimisht lajme rrethi situatës së klubit bavarez. Në Gjermani është interpretuar kjo lidhje si një rrjedhje informacionesh nga Nagelsman i cili normalisht do të flasë për punën e tij me personin që ka përkrah. “Bild” e largoi gazetaren nga posti i saj në mbulimin e Bajernit, ndërsa tani Nagelsman ka folur publikisht rreth kësaj çështje duke insistuar se nuk ka bërë “spiunazh”.

“Të jem i sinqertë, nuk dua që të dëmtoj karrierën time”, tha trajneri për “FAZ” duke iu përgjigjur edhe akuzave të Stefan Efenberg se kjo mund të ndikonte te besimi i lojtarëve ndaj tij. “Si trajner, varesh 100% nga mënyra se si lojtarët e tu implementojnë idetë që ke. Realisht e kuptoj që këto akuza mund të vijnë, por çfarë interesi kam që të them gjërat ndryshe”, vijoi ai.

“Unë do të isha i pari që do të shkarkohesha nga puna”, siguroi tekniku kur u pyet nëse lidhja e tij me gazetaren, mund të bëhej problem nëse do të zbulohej se prej saj do të kishte rrjedhje informacionesh në media.

PANORAMASPORT.AL

 

NDIQE LIVE "PANORAMA TV"

---