E gjithë Anglia e “fiksuar” pas Brojës, në garë për sulmuesin shqiptar futen edhe ish-kampionët e Premier Ligës

Panorama Sport | Lajmet e fundit nga sporti

Postuar: Qershor 24, 2022 | 13:41


E gjithë Anglia e “fiksuar” pas Brojës, në garë për sulmuesin shqiptar futen edhe ish-kampionët e Premier Ligës

Sezoni i kaluar me Sauthemptonin duket se ka bërë që për Brojën të ketë interesime të mëdha si brenda ashtu edhe jashtë Anglisë. Në Premier Ligë, klube si Uest Hem, Njukasëll, Notinghem dhe Everton janë të gatshme për të siguruar shërbimet e yllit shqiptar.

BROJA

Një tjetër klub i madh anglez i është bashkuar kësaj gare për të afruar 20-vjeçarin në skuadër. Bëhet fjalë për Leistërin, e cila u shpall kampion i Premier Ligës në vitin 2016.

“Dhelprat” po mendojnë të ndërtojnë një skuadër për të ardhmen dhe të shpresojnë sërish për një mrekulli si ajo e 6 viteve më parë. Kështu Broja është në listën e të dëshiruarve nga Brendan Roxhers, gjithsesi 30 milionë eurot e kërkuara nga Çelsi duket se është një pengesë për Leistërin, siç bënë me dije “Daily Mail”.

PANORAMASPORT.AL