Pretendentët për titullin kampion të Kosovës Gjilani janë “përforcuar” gjatë janarit jo vetëm boshtin e skuadrës, por dhe stafin teknik.

“Gazeta Sheshi” në Kosovë mëson nga klubi gjilanas se skuadrës do t’i bashkohet përgatitësi i njohur atletik italian Korrado Sakone. 59-vjeçari është mirëpritur si propozim nga bordi drejtues i klubit të Gjilanit dhe do t’i bashkohet skuadrës së Gentian Mezanit në Turqi.

Ai ka punuar pë 5 sezone me Napolin duke bashkëpunuar me trajnerin Rafa Benitez, etj ndërsa ka ndihmuar në përgatitjen atletike të lojtarëve napolitanë si: Kavani, Higuain etj.

Sakone nuk është një emër i panjohur në Shqipëri, teksa ai ka punuar edhe te Partizani në vitin 2016.

Gjilani kërkon të fitojë titullin këtë sezon dhe për të siguruar një sukses të tillë duhet që futbollistët të kenë përgatitje të mirë jo vetëm teknike, por dhe fizike e atletike. Me Sakonen Gjilani ka goditur në shenjë.

PANORAMASPORT.AL

NDIQE LIVE "PANORAMA TV"

---