E akuzojnë për trukime, Skënderbeu kthehet në Shoqëri Aksionere
Ndërkohë që ditën e sotme UEFA bëri publik vendimin e dënimit të Skënderbeut me mospjesëmarrje në kupat e Europës, ku sipas raportit dolën të trukuara mbi 50 ndeshje në Europë dhe në Shqipëri, Bashkia e Korçës mori vendimin e kalimit të klubit në Shoqëri Aksionere.
Njoftimin e ka bërë vetë klubi në faqen e tij në Facebook, ku nuk ka asnjë reagim për raportin e UEFA-s, por vetëm njoftohet se me votë unanime në Këshillin Bashkiak, Ardjan Takaj bëhet pronar i 75% të aksioneve të Skënderbeut, ndërsa Bashkia Korçë do të zotërojë vetëm 25% të tyre.
Më përpara klubi i Skënderbeut kishte statusin e Shoqërisë Sportive dhe Ardjan Takaj ishte thjesht administrator i tij, ndërsa nga dita e sotme është bërë ligjërisht pronar.
Njoftimi i plotë i Skënderbeut në Facebook:
“Klubi i futbollit “Skënderbeu”, kthehet në Shoqëri aksionere.
Në mbledhjen e sotme të këshillit bashkiak është vendosur dhe miratuar kthimi i Klubit të futbollit “Skënderbeu” nga Shoqëri Sportive në Shoqëri aksionere ku 75% të aksioneve do ti zotërojë presidenti Z.Ardjan Takaj ndërsa 25% të aksioneve i mbeten Bashkisë Korçë.
Klubi i futbollit “Skënderbeu” gjen rastin të falenderojë gjithë qytetarët Korçarë dhe në veçanti antarët e këshillit bashkiak të cilët votuan me 100% të votave kthimin e klubit në Shoqëri Aksionere.Vendim i cili tregon besimin e ‘ambjentit’ sportiv në Korçë për projektin afatgjatë të klubit dhe drejtuesve aktuale me në krye Z.Ardjan Takaj.
E ardhmja i përket Skënderbeut, Sëbashku më të fortë!”
NDIQE LIVE "PANORAMA TV"