Dy të kuq dhe 8 të verdhë, Hamiti për rekord në Durrës. Ja moviola për Teuta-Vllaznia

Panorama Sport | Lajmet e fundit nga sporti

Postuar: Nëntor 26, 2020 | 19:11


Dy të kuq dhe 8 të verdhë, Hamiti për rekord në Durrës. Ja moviola për Teuta-Vllaznia

Teuta-Vllaznia ishte kryendeshja e javës së katërt dhe FSHF-ja kishte dërguar në Durrës gjashtë gjyqtarë. Kryesor ishte ndërkombëtari Eldorian Hamiti, i cili nxori nga xhepi plot 8 herë kartonin e verdhë dhe dy herë të kuqin, pikërisht ndaj mbrojtësit të Vllaznisë, Aleksandër Isaevski dhe trajnerit të portierëve, Ideal Lekiqi. “Panorama Sport” ju sjell të gjitha rastet për moviolë.

bandicam 2020-11-25 18-13-08-388

6′ Kapiteni i Teutës, Arapi, i ndërhyn ashpër brazilianit të Vllaznisë, Da Silva, afër vijës së zonës. Gjyqtari Hamiti lejon avantazhin dhe vepron drejt, pasi krijohet një rast i pastër për gol. Ndërkohë, pas përfundimit të aksionit, arbitri duhet të ndëshkonte me karton të verdhë Arapin, por nuk e bëri këtë.

42′ Avdyli kroson në zonë, topi devijohet me kokë nga Daja dhe Hebaj me një roveshatë shënon supergol. Anësori Rexha e anulon golin e Teutës për pozicion jashtë loje. Pamjet i japin të drejtë anësorit, pasi në momentin e devijimit të topit nga Daja, Hebaj ishte në pozicion të parregullt.

69′ Isaevski ndërhyn me takë në këmbën e Todorovskit, edhe pse prek topin. Hamiti e ndëshkon me të verdhë, teksa është i dyti karton për maqedonasin dhe automatikisht i kuq. Një rast i diskutueshëm.

90′ Emiljano Vila rrëzohet në zonë dhe kërkon penallti, por më parë ishte Marku që preku topin. Hamiti ishte shumë afër aksionit dhe vazhdon lojën, duke marrë një vendim të drejtë.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/