Laçi po vijon përgatitjet intensive për ndeshjen e radhës. Nën drejtimin e Armando Cungut ngarkesat kanë ardhur në rritje, ndërsa dje është zhvilluar edhe një lojë brenda llojit për të krijuar një ide për formacionin “tip”.

Pas tri fitoreve radhazi, tashmë do tentojnë vazhdimësinë me Kukësin. Kundërshtarin e presin në shtëpi dhe duhet thënë që në fushën e tyre këtë sezon kurbinasit kanë bërë realisht mirë, ndërsa në 6 ndeshje kanë lënë vetëm 4 pikë (pas humbjes me Skënderbeun dhe barazimin me Bylisin).

Gjatë fazës së parë përballë verilindoreve kanë ngecur në shifrat 1 me 1, por këtë herë do tentojnë vetëm maksimumin e pikëve dhe rrjedhimisht ngjitjen e shkallëve në renditje. Dhe në rastin konkret, një fitore do të përkthehej me parakalimin e Kukësit, pasi diferenca është me dy pikë.

PANORAMASPORT.AL

NDIQE LIVE "PANORAMA TV"

---