Dy gëzime brenda pak orëve, Hidi bëhet baba për herë të dytë
Isli Hidi është një nga portierët më në formë të Kategorisë Superiore, teksa nuk ka pësuar asnjë gol në 3 sfidat e parë, duke u konfirmuar si një nga lojtarët më të rëndësishëm të Teutës.
Pas fitores së djeshme me Kamzën, gardiani i Teutës është gëzuar dyfisht, por ky gëzimi i dytë ka qenë akoma më i fortë. Në jetë ka ardhur vajza e tij Mei. Ka qenë vetë portieri që mëngjesin e sotëm, nëpërmjet një postimi në rrjetet sociale, ka ndarë me miqtë e tij këtë gëzim madhështor. Kjo është vajza e dytë që vjen në jetë për portierin e Teutës, pasi ai ka dhe një vajzë tjetër të quajtur Eisi.
“Mirë se erdhe në këtë jetë princesha jonë Mei, të duam shumë dhe të urojmë jetë të gjatë e plot shëndet!! Mami Erisa Bardhi Hidi, motra jote Eisi dhe babi Isli”, shkruan portieri në “Facebook”.
