Duka në Torino, gati bashkëpunimi me Juventusin
Federata Shqiptare e Futbollit është duke projektuar një bashkëpunim me klubin e Juventusit dhe qendrën mjekësore JMedikal.
Presidenti Armando Duka ka qënë sot në selinë e kampionëve të Italisë ku është pritur nga dy administratorët e deleguar të klubit, Xhuzepe Marota dhe Aldo Macia. Në këtë takim ka qënë prezent edhe administratori i JMedikal, Elio Testa.
Takimi është fokusuar në asistencën mjekësore që JMedikal mund t’i ofrojë ekipeve kombëtare si edhe për një shtrirje në të gjithë futbollin shqiptar.
Zyra për shtyp pranë Federatës bën me dije se presidenti Duka shprehu angazhimin për të nisur sa më shpejt një bashkëpunim konkret duke i ftuar administratorët e JMedikal për një vizitë në Tiranë.
NDIQE LIVE "PANORAMA TV"