Dueli ndaj Butrintit, flet trajneri i beratasve: Tomori, luan për pikë në Sarandë
Tomori do të paraqitet në Sarandë për dy rezultate, e papranueshme konsiderohet vetëm humbja. Vetëm kështu beratasit do të ndihen më të qetë sa i përket realizimit të objektivit, pozicionimi në gjashtëshen e parë. Përpara sfidës me Butrintin, trajneri Klodian Arbëri, për “Panorama Sport” u shpreh:
“Kemi grupin e plotë, por edhe besimin maksimal në vete, ku përballë Butrintit të luajmë për një nga dy rezultatet pozitive që kemi në dispozicion.
Unë besoj shumë te futbollistët e mi, se përballë Butrintit do të tregojnë vlerat e tyre të vërteta.
Ne e kemi vlerësuar maksimalisht këtë takim, por edhe kundërshtarin, ndaj besoj se fusha do të japë një verdikt të drejtë për sa i përket rezultatit final”.
EDI SPAHIU – PANORAMASPORT.AL
NDIQE LIVE "PANORAMA TV"