“Dua të sjell në Itali dy trofetë e rëndësishme”, Mançini: Lojtari më i mirë në botë është …
Roberto Mançini ka dhënë një intervistë për “Esquire” në të cilën ka folur për objektivat e tij, ndjesinë kur të jepet mundësia të stërvitësh skuadrën kombëtare dhe per lojtarin më të mirë në botë.
-Të stërvitesh kombëtaren…
Është një ndjesi e jashtëzakonshme të përfaqësosh vendin tënd, por dhe një punë e madhe për të menaxhuar presionin dhe përgjegjësitë e mëdha. Të stërvitësh skuadrën kombëtare nuk është një gjë e thjeshtë, pavarësisht të pasurit skuadrën perfekte. Të stërvitësh Italinë është një mundësi e madhe që nuk të vjen shpesh dhe kur bëhet fjalë për kombëtaren tënde bëhet dhe më e veçantë.
-Jeni një nga sulmuesit më të mirë në historinë e Italisë. Keni ndonjë pendesë?
Gjithmonë ka pendesa, por jam i lumtur për atë çfarë kam bërë. Dëshiroja ta realizoja si futbollist, por tashmë kam mundësinë të fitoj me kombëtaren time si trajner.
-Një partner ideal në sulm bashkë me ju:
Françesko Toti, i cili e mendon futbollin njësoj si unë.
-Lojtari më i mirë aktual:
Lionel Mesi, sigurisht.
-Planet pasi të lësh kombëtaren:
Nuk e kam menduar akoma. Për momentin kam si objektiv t’i rikthej Italisë një Europian dhe një Botëror.
PANORAMASPORT.AL
NDIQE LIVE "PANORAMA TV"