“Dua që Reja të rinovojë me Shqipërinë”, Rei Manaj: Edhe një gol koti…

Panorama Sport | Lajmet e fundit nga sporti

Postuar: Tetor 14, 2019 | 23:02

“Dua që Reja të rinovojë me Shqipërinë”, Rei Manaj: Edhe një gol koti…

Sulmuesi i Kombëtares, Rei Manaj, foli për mikrofonin e “Supersport”, pas fitores me Moldavinë.

bandicam 2019-10-14 22-58-58-020

Ai u shpreh se është i kënaqur për golin e shënuar, edhe pse do donte të shënonte edhe në Turqi, ndërsa shpreh dëshirën që Reja të rinovojë me Kombëtaren.

Nuk shënoje që prej ndeshjes së parë ndaj Kosovës. Si u ndjetë?

Ishte gol i kërkuar. Kisha disa ndeshje që doja të shënoja. Sot, shënova, por me rëndësi është që të fitonim. Trajneri e kishte përgatitur mirë. Bëmë një nga ndeshjet më të mirë, edhe pse ishte e vështirë të vinim këtu të luanim pas humbjes me Turqinë.

Di të shënosh vetëm gola të vështirë, dhe jo të thjeshtë?

Si të bësh një supergol, si një gol koti, është njësoj. Do doja që të shënoja me Turqinë, sepse mund të provonim për Europian, por kështu është futbolli. Një herë të ngre lart, një herë të ul.

Reja po ju jep besim…

Trajnerin e njohim, ka qenë në ekipe të mëdha, por për njeriun që është, na ka lënë shumë gjëra të lira. Kur jemi në fushë ose stërvitje, kërkon që të japi 100%. Kam një raport të mirë me të. Folëm pak pas ndeshjes. E falënderoj që po më jep mundësi, dhe shpresoj që të rinovojë me Kombëtaren.

PANORAMASPORT.AL

NDIQE LIVE "PANORAMA TV"