Humbja në Lushnje komplikoi akoma më shumë pozitat e Elbasanit në klasifikim. Verdheblutë nuk përfituan dot as nga ndalesa e rivalëve, për të rikuperuar ndonjë pikë të vlefshme, që mund t’i shërbente për të shpresuar te mbijetesa.

Edhe këtë sezon, skuadra po tregon se me ekipet që luajnë për Superioren, nuk mund të bëjnë dot asgjë. Mungesa kualiteteve i penalizon ndjeshëm me të mëdhatë.

Lajmi i “mirë” për verdheblutë, nëse mund të quhet kështu, është fakti se verdhejeshilët ishin pretendentët e fundit me të cilët do të ndeshen këtë sezon, pasi të gjitha sfidat e mbetura do t’i kenë me rivalët e tyre të drejtpërdrejtë, sa i përket qëndrimit. Tri përballjet e ardhshme janë me tri rivalët direkt për mbijetesën, më pas starton faza tjetër pas ndarjes së grupeve.

Pra, verdheblutë u mundën nga Lushnja, por me këtë ndeshje, hoqën “qafe” ekipet që janë më lart se ata dhe tani do të luajnë vetëm me rivalët e tyre. Të paktën në letër nuk do të kenë më ekipe që të kenë diferencë me ta dhe gjithçka sa i përket mbijetesës, e kanë në dorën e tyre.

VLADIMIR MEMA

NDIQE LIVE "PANORAMA TV"

---