Drita kampione e Kosovës, i bëjnë nder rivalët e përjetshëm
Drita ëshë kampionia më e re e Kosovës. “Intelektualët” siguruan matematikisht titullin një javë para përfundimit të sezonit pasi rivalët direkt për titull Gjilani dhe Ballkani u ndalën në barazim 2-2.
Ndeshja nisi me gol për Gjilanin, ndëra në pjesën e dytë, Ballkani përmbysi rezultatin. Kur dukej se gjithçka do të mbyllej me fitoren e “Xhebrailave”, Gjilani vulosi paqen mes skuadrave me gol në minutën e pestë shtesë.
Ky është titulli kampion i tretë në histori për Dritën. Ironia është se “Intelektualët” u ndihmuan nga rivalët e përjetshëm Gjilani. Javën e kaluar, ekipi i Gentian Mezanit mposhti Dritën në shtëpinë e këtyre të fundit me rezultatin 0-2.
Rezultatet takimeve të tjera janë si më poshtë:
Dukagjini-Vushtrria 2-1
Feronikeli-Trepça ’89 1-2
Llapi-Ferizaj 2-1
Prishtina-Flamurtair 3-0
PANORAMASPORT.AL
NDIQE LIVE "PANORAMA TV"