Shkarkimi dhe më pas rikthimi i Tomas Brdariç te Vllaznia, trazoi ujërat në kampin shkodran. Tekniku 46-vjeçar nuk i ka shpëtuar gjobës nga drejtuesit për performancën e dobët të skuadrës në 9 ndeshjet e fundit.

Në një dokument të dalë nga klubi, që mban vulën dhe firmën e kryebashkiakes Voltana Ademi, shihet vendimi për të gjobitur, Brdariçin, me 1.5 milionë lekë (të vjetër). Kjo gjobë i është dërguar trajnerit të Vllaznisë, ditën e djeshme si “shpërblim” për kualifikimin në Kupë, teksa qartësohet edhe motivi i saj:

“Rezultatet e dobëta të skuadrës në ndeshjet e fundit si trajner dhe mungesa e disiplinës të ngarkojnë me përgjegjës duke rrezikuar objektivat e klubit. Prandaj kërkohet që ju jo vetëm të rrisni nivelin e vendim-marrjes gjatë procesit dhe lojës, por edhe të motivoni lojtarët për rezultate pozitive”.

Vlen të theksohet se po ditën e djeshme, Vllaznia triumfoi në Kupën e Shqipërisë, ndaj Korabit me rezultatin 1-0, duke siguruar një biletë për në gjysmëfinale.

PANORAMASPORT.AL

LEXO EDHE: 

Gjoba me kusht te Vllaznia, reagon klubi: Nëse ka rezultate pozitive, atëherë…

 

NDIQE LIVE "PANORAMA TV"

---