Postuar: Shkurt 9, 2018 | 10:20
Do të luhet si me Kukësin, ka vetëm një “risi” në formacionin titullar të Tiranës
Tirana ka mbyllur dje paradite përgatitjet dhe është gati për Tomorin.
Seanca e paradites ishte më me pak ngarkesë. “Rebusi” për formacionin vazhdon, pasi edhe dje Ze Maria u mundua që ta mbajë të fshehtë, gjasat janë që në fushë këtë herë të hedhë një ekip si ndaj Kukësit.
Themi të ngjashëm, pasi pritet që ndryshimi i vetëm të vijë në qendër të mbrojtjes, kur nga minuta e parë, do të hedhë kenianin Musa Muhamed. Ky i fundit do të jetë në krahë të Turtullit, ndërsa në krahë rikthehen Kërçiku me Hoxhallarin.
Në mesfushë pritet treshja klasike, Karabeci-Maveje-Daja, ndërsa në sulm do luajë Ngoo, që do të ndihmohet nga Greca dhe Sentamu.
NDIQE LIVE "PANORAMA TV"