Postuar: Maj 22, 2023 | 15:57
Do të arbitrojë për herë të parë një finale, përcaktohet gjyqtari i duelit Fiorentina-Uest Hem
Finalja e Ligës së Konferencës mes Fiorentinës dhe Uest Hemit do të luhet më 7 qershor në orën 21:00 në Eden Arena (Pragë, Republika Çeke).
Arbitri i përzgjedhur nga UEFA për këtë duel do të jetë spanjolli Karlos del Serro Grande. Ai është një arbitër ndërkombëtar që nga viti 2013 dhe do të gjykojë në finalen e tij të parë në një kompeticion klubesh të UEFA-s.
47-vjeçari ka drejtuar 5 ndeshje në Ligën e Kampioneve dhe një ndeshje në Ligën e Konferencës.
Spanjolli arbitroi edhe ndeshjen e kthimit Inter-Benfika në çerekfinalen e Ligës së Kampioneve.
PANORAMASPORT.AL
NDIQE LIVE "PANORAMA TV"