Ditë për t’u harruar për Benzemanë/ Jo vetëm penallti e humbur e dëmtim, francezit i vjedhin dhe shtëpinë
Nuk ka qenë një ditë e mirë dje për Benzemanë. Në ndeshjen e fundit kundër Elçes ku Reali i Madridit barazoi 2-2 në “Santiago Bernabeu”, sulmuesi u desh të largohej nga fusha i dëmtuar në minutën e 58-të.
Në pjesën e parë ai humbi penallti dhe pas ndeshjes ai zbuloi se hajdutët i kishin vjedhur shtëpinë e tij.
Sipas mediave spanjolle, hajdutët kishin hyrë në shtëpi përmes kopshtit.
Sulmuesi francez ka qenë edhe më parë viktimë e grabitjes në shtëpinë e tij dhe përsëri, kjo ndodhi gjatë një ndeshjeje. Hera e parë që ndodhi ishte në shkurt të vitit 2019 kur 34-vjeçari dhe ekipi i tij luajtën kundër Barcelonës.
Për momentin nuk dihen detajet e sendeve të marra nga hajdutët nga shtëpia e sulmuesit.
PANORAMASPORT.AL
NDIQE LIVE "PANORAMA TV"