Postuar: Nëntor 2, 2020 | 18:17
Disiplina e dënoi me dy ndeshje, por Kukësi do ketë gati titullarin me Tiranën. Ja arsyeja
Mesfushori i Kukësit Vesel Limaj i cili sfidën e fundit të sezonit të shkuar u ndëshkua me karton të kuq ndaj Luftëtarit dhe që u pezullua nga Komisioni i Disiplinës me dy ndeshje, do të jetë i gatshëm për trajnerin Skënder Gega që në ndeshjen e javës së parë në kampionat ndaj Tiranës në stadiumin “Skënderbeu” në Korçë.
Arsyeja është se duke qenë se ndeshja parë e sezonit të ri ishte Kupa e Shqipërisë ku Kukësi mposhti me rezultat 5-0 Maliqin në raundin e parë, dhe Vesel Limaj kreu gjysmën e dënimit dhe gjysma tjetër u pagua në formë gjobë nga klubi verilindor.
Një lajm i mirë ky për trajnerin Gega, për shkak se do të ketë gati kapitenin dhe titullarin e skuadrës.
PANORAMASPORT.AL
NDIQE LIVE "PANORAMA TV"