Postuar: Nëntor 23, 2017 | 18:14
Dhunoi seksualisht një shqiptare, ish-ylli i Milanit dënohet me 9 vite burg
Ish-ylli brazilian i Milanit, Robinjo, është dënuar me nëntë vite burg nga Gjykate e Milanos, pasi është shpallur fajtor për dhunë në grup ndaj një vajze shqiptare. Dhuna, sipas hetimit, është ushtruar nga Robinjo gjatë kohës që luante te Milani, në bashkëpunim me 5 persona të tjerë.
Dhuna seksuale, ka ndodhur në 22 janar 2013, dhe vajza shqipare në atë kohë ishte 22 vjeç. E gjithë kjo histori ka ndodhur në një diskotekë në Milano. Robinjo ka qenë i përfshirë edhe më parë në një histori të njëjtë, ku në 2009, teksa luante në radhët e Mançester Sitit, u arrestua për përdhunim. 33-vjeçari tashmë është pjesë e skuadrës së Atletiko Minieros në kampionatin brazilian.
Në raportin e Gjykatës përmendet se braziliani do të ketë një mundësi për të kundërshtuar dënimin pasi sistemi italian i ligjit lejon “disa nivele apeli” para se të zbatohet ndonjë dënim.