“Dha kontribut të vyer për Tiranën dhe futbollin shqiptar”, Duka mesazh për vdekjen e Metush Seferit: Një tjetër humbje që na trishton!
Presidenti i Federatës Shqiptare të Futbollit, Armand Duka shprehu dhimbjen për vdekjen e ish-presidentit të TIranës, Metush Seferi ditën e sotme nga koronavirus. Në rrjetet sociale, kreu i futbolli shqiptar çmoi kontributin e ish-presidentit bardheblu në vitet ’90 duke e ngjitur TIranën në majën e futbollit shqiptar.
Metush Seferi u nda nga jeta ditën e sotme pas komplikimeve që i shkaktoi COVID-i. Ai ishte 70-vjeç.
Mesazhi i presidentit të FSHF-së Armand Duka për vdekjen e Metush Seferit
Një tjetër humbje në botën e futbollit na trishton sërish. Virusi i mori jetën Metush Seferit, ish-Presidentit të Tiranës, që fatkeqësisht nuk ia doli të fitojë betejën me virusin COVID-19.
Metushi dha një kontribut të vyer në radhët e skuadrës kryeqytetase në vitet ’90 duke fituar disa tituj kampion, e duke mbetur në mendjet e tifozëve të Tiranës.
I shpreh ngushëllimet më të sinqerta familjes, të afërmve dhe miqve të tij. Familja e futbollit do ta kujtojë si nja nga kontribuesit e çmuar të futbollit kryeqytetas dhe atij shqiptar. I paharruar qoftë kujtimi i tij!
PANORAMASPORT.AL
