Inspektorët e Etikës dhe Disiplinës në UEFA që u morën me dosjen e Skënderbeut janë Karl Dhont dhe Migel Lietard Fernandez Palacios.

I pari është një ekspert belg në fushën e basteve, teksa është përfshirë në trupën e Komisionit Disiplinor në vitin 2009. UEFA i ka dhënë drejtimin e zyrës së antikorrupsionit, e krijuar pikërisht në momentin kur Dhont është bërë pjesë e trupës së Komisionit Disiplinor.

Ai bëri zbulimin e madh të skandalit kinez të Zhejun Ji në vitin 2005. Ndërsa Migel Lietard njihet si miku i ish-presidentit të Federatës së Futbollit të Spanjës, Angel Maria Vijar, i cili ka qenë disa herë në Shqipëri në asambletë zgjedhore të FSHF-së.

Ai është një jurist spanjoll, i cili e ka nisur karrierën në vitin 2010 në një studio ligjore të emërtuar “Sport Advisors”. Kjo kompani është në pronësi të Gorha Vijar, i biri i Angel Maria Vijarit. Në vitin 2013, spanjolli është përfshirë në trupën disiplinore.

PANORAMASPORT.AL

LEXO EDHE:

http://www.panorama.com.al/sport/ekskluzive-dosja-skenderbeu-juristi-bushi-ja-shanset-per-klubin-korcar/

 

http://www.panorama.com.al/sport/ekskluzive-shansi-i-fundit-per-denimin-skenderbeu-rikthen-syte-nga-ridvan-bode-ja-kartat-e-korcareve-e-plote43/

NDIQE LIVE "PANORAMA TV"

---