Dëmtimet në “Air Albania”, reagon “Tirona Fantics”: Policia po dënon pa prova filmike, nuk jemi kriminelë
Ndeshja mes Kukësit dhe Tiranës në stadiumin “Air Albania” solli dëme të shumta në sektorët e tifozëve, për të cilët policia ka nisur punën për identifikimin dhe dënimin e tyre.
Për shkak të thyerjes së stolave në stadium dhe prishjes së rendit public, policia po shoqëron disa tifozë në komisariatin numër 1. Pikërisht për këtë arsye ka reaguar edhe tifogrupi i Tiranës, “Tirona Fanatics”, të cilët nëpërmjet një postimi në “Facebook”, shkruajnë se po dënohen pa fakte dhe prova filmike, duke thënë se janë ultras dhe jo kriminelë.
Reagimi i “Tirona Fanatics”:
Prej ditës së shtunë e deri sot, në mënyrë totalisht të turpshme, Policia e Shtetit po shoqëron anëtarë të Fanatics individualisht në ambientet e komisiariatit nr 1, me pretekstin e thyerjes së stolave gjatë ndeshjes me Kukësin dhe prishjen e rendit publik.
3 anëtarë janë dënuar me gjobë sot dhe 1 tjetër vazhdon të jetë në ambientet e paraburgimit, PA ASNJE PROVË FILMIKE, PA ASNJË FAKT!
Asnjë ballafaqim me video-provat e me televizora të fikur, Policia e Shtetit deklaron se këto jane “urdhëra nga lart”…
KJO ESHTE QESHARAKE!
Pseudopolicia edhe pseudourdhëruesit e saj duhet te ndalojnë sa më shpejt këtë represion idiotesk ndaj antarëve të TF dhe tifozëve bardheblu, të nisur nga kriminelët e vërtetë të këtij vendi…
Ne jemi Ultras, jo Kriminel!
Liri per cunat tonë Liri Per Ultras!
PANORAMASPORT.AL
NDIQE LIVE "PANORAMA TV"