Dëmtimet e shumta, e keqja e Barcelonës janë… mjekët
Dëmtimi i Martin Breithueitit ka hapur një tjetër temë të nxehtë dhe një tjetër telash në kampin e Barcelonës. Jo vetëm për faktin se sulmuesi do të qëndrojë 3-4 muaj jashtë fushave të lojës, por mbi të gjitha sepse bëhet fjalë për një ridëmtim.
Dhe lista e atyre që janë dëmtuar disa herë te Barcelona është shumë e gjatë. Kjo gjë shton legjendën e zezë që qarkullon për stafin mjekësor të klubit katalanas. Rasti i Breithueitit vërteton se mjekët kanë bërë vlerësim të gabuar, duke e fshehur dëmtimin e tij thjesht si një shqetësim të vogël.
Por nuk mund të ndodhë shpesh që shqetësimi i vogël të shndërrohet në një mungesë kaq të gjatë. Fati, Kutinjo, Pike dhe Arauho gjithashtu kanë vuajtur të njëjtin problem dhe nuk po gjejnë dot formën e tyre optimale për shkak të gabimeve të stafit mjekësor.
PANORAMASPORT.AL
NDIQE LIVE "PANORAMA TV"