Dedja: Kishim mungesa të rëndësishme, rezultati nuk i përgjigjet lojës
Trajneri Dedja ka folur pas ndeshjes ndaj Skënderbeut dhe ai ka vlerësuar ekipin e tij për lojën pavarësisht humbjes. Ai tha se kanë patur shumë mungesa dhe se ndryshimi i skemës ishte për t’ju përshtatur kundërshtarit.
Humbja e sotme, a ju vlerësojnë me shumë tani ekipet pas fitores në Kukës?
Kisha shumë mungesa edhe sot siç kemi prej një muaji. Kemi pasur mungesa nga kartonat. Mendoj se rezultati nuk i përgjigjet lojës sepse nuk kemi luajtur keq sot. Gjyqtari ne një rast ndaloi lojën dhe ishte shumë në rregull por në kartonin e kuq të Spahos nuk pati “fair play”.
Mendon se skuadra e Lushnjës mund te mbijetojë?
Është e vështirë po ne nuk heqim dorë sepse edhe me Skënderbeun që është ekipi më i mirë shqiptar kemi luajtur mirë dhe lojtarët tanë edhe kur ishim 3-1 luftonin dhe kishin dëshire për të luajtur.
Pse luajtët sot me 2 sulmues sot?
Kisha me shumë sulmues sot sepse u mundova ti përshtatesha kundërshtarit. Ju i patë edhe golat që në mund ti evitonim sot, përveç golit të tretë që nuk e llogaris.
Gjendja e fushës?
Është kështu sepse këtu luajnë edhe te rinjtë po ashtu edhe ekipet e Kombëtares, por edhe në bëjmë ndonjëherë stërvitje. Sot ishte edhe nga shiu kaq problematike fusha por nuk është gjithmonë kështu.
NDIQE LIVE "PANORAMA TV"