“De Vraj na la jashtë Champions-it në vitin 2018”, Lotitos nuk i del inati: Duhet të kisha dhënë urdhër që…
Lacio ishte shumë afër kualifikimit në Ligën e Kampionëve në vitin 2018, por dështuan vetëm në ndeshjen e fundit, teksa humbën me rezultatin 2-3 me Interin dhe nga kjo u kualifikuan zikaltërit.
Presidenti i Lacios, Klaudio Lotito, rikthehet të falsë për atë kohë, teksa shprehet se ndeshjen e humbën për shkak të Stefan De Vraj: “Unë marr përgjegjësinë për atë humbje kundër Interit, sepse lejova De Vraj të luante. Duhet të kisha ndërhyrë. Tani kam filluar të reflektoj për gjërat që shkuan keq.
Asnjëherë nuk duhet të lejoja që ai të luante në atë ndeshje, pasi humbëm pikërisht për shkak të tij. Stafi më tha se ai është një profesionist i madh, ndërsa unë i paralajmërova se aktivizimi i tij nuk ishte një ide e mirë. Gabimi im ishte që nuk dhashë urdhër, që të mos aktivizohej.”, u shpreh Lotito.
PANORAMSPORT.AL
NDIQE LIVE "PANORAMA TV"
