Napoli ka pësuar një humbje turpëruese përballë Sampdorias me rezultatin 3-0, duke vënë në dyshim projektin e skuadrës. Menjëherë pas ndeshjes ka qenë presidenti De Laurentis i cili ka folur dhe ka kërkuar falje për atë humbje turpëruese. Ai ka prekur gjithashtu edhe shortin ku do të gjendet në një grup të vështirë së bashku me Liverpulin, PSG-në dhe Crvena e Zvezdës.

“Shorti më ka zhgënjyer pak. Liverpuli ishte në finale nuk duhet harruar dhe ishte në vazon e tretë, Të më falni, por më duket sikur jemi në Kaziono. Nëse do të fitosh duhet të kesh sukses me skuadrat e mëdha, por të ndeshjesh me Liverpulin është një anomali sensacionale. Le të bëjmë një ndeshje të bukur”.- tha numri 1 i Napolit.

Ndërsa në lidhje me situatën e Ronaldos dhe se si po e përballon Juvetnusi.

“Juventusi është një skuadër e madhe kështu thuhet gjithnjë. Nëse ne do kishim marrë Ronaldon dhe nuk do të kishte shënuar 3 ndeshje atëherë revolucioni do të kishte ndodhur. Juventusi di t’i përballojë të gjitha problemet që i dalin para”.-ka përfunduar De Laurentis.

NDIQE LIVE "PANORAMA TV"

---