Dardanët kanë shansin e artë për të bërë histori, merret vendimi për tifozët në Maqedoni-Kosovë
Kosova ka shansin e artë për t’u kualifikuar në një kompeticion të rëndësishëm që me pjesmarrjen e parë, diçka që nuk është arritur kurrë më parë.
Në mënyrë që Kosova të arrijë këtë kualifikim historik, ajo duhet të mposhtë Maqedoninë e Veriut dhe fituesin e çiftit Gjeorgji-Bjellorusi, ndeshje në kuadër të kompeticionit më të ri, Liga e Kombeve.
Ndeshja ndaj Maqedonisë së Veriut luhet në stadiumin e kësaj të fundit, në datë 26 mars, dhe do të jetë pa tifozë ashtu siç njoftoi Ministri i Shëndetësisë së Maqedonisë së Veriut, Venko Filipçe.
Shumë shqiptarë të Kosovës kishin planifikuar të udhëtonin drejt vendit fqinj për të ndjekur nga afër skuadrën në këtë ndeshje të rëndësishme, duke përfituar dhe nga afërsia me Maqedoninë e Veriut, ndërkohë shumë shqiptarë të tjerë që jetojnë në Maqedoninë e Veriut pritej të mbështesnin Kosovën.
PANORAMASPORT.AL
NDIQE LIVE "PANORAMA TV"