Sulmuesi Danilo Alvesh mbërrin sot në mëngjes në Vlorë. Braziliani pritet t’i bashkohet Flamurtarit nesër në stërvitje, pasi prishi marrëveshjen me klubin turk, Afjet Afyonspor.

Alvesh do të jetë pjesë e vlonjatëve edhe për një sezon. Sot stafi teknik nis përgatitjet me lojtarët që nuk morën minuta në ndeshjen e fundit me Luftëtarin, ndërsa nesër nis zyrtarisht stërvitja me grupin e plotë. Takimi i radhës i kuqezinjve është ndaj Skënderbeut më 16 shtator në Vlorë.

Për Ilir Dajën dhe Ardian Memën do të jetë një ndeshje shumë e veçantë ajo e javës së katërt. Flamurtari pret në Vlorë Skënderbeun, pikërisht skuadrën ku në sezonin e fundit u shpall kampione nën drejtimin e trajnerit Daja dhe ndihmësit të tij, Mema.

Kreu i pankinës fitoi gjithçka me korçarët, por në muajin qershor u largua, i ndikuar edhe nga projekti i klubit të Skënderbeut, që mori një goditje të madhe, pasi nuk mori pjesë as në Ligën e Kampioneve për këtë edicion.

NDIQE LIVE "PANORAMA TV"

---