Futbollisti brazilian Dani Alvesh ndodhet në burg të përkohshëm pa kusht që nga 20 janari teksa po pret që të mbahet gjyqi për akuzën e përdhunimit të dyshuar të një vajze 23-vjeçare prej tij në banjën e klubit të natës “Sutton” në Barcelonë.

Këtë të hënë, programi “The Ana Rosa” zbuloi ekskluzivisht mesazhet e shkëmbyera mes Bruno Brasil, mikut të ngushtë të ish-mbrojtësit të Barcelonës, dhe kushëririt të vajzës së re disa ditë pas ngjarjes së 31 dhjetorit.

“Më pëlqeu motra jote dhe ti si njerëz. Jam gjithmonë gati të takoj miq të mirë”, – vijoi Bruno Brasil.

Një mesazh që mori shpejt përgjigje nga kushëriri i ankueses, edhe pse shumë më konciz: “Faleminderit, e njëjta gjë edhe për ju. Gëzuar Vitin e Ri!”

Mayka Navarro tregon se kjo bisedë është pjesë e mesazheve të interceptuara nga policia tashmë: “E vërteta është se interpretimi është i ndryshëm nëse bëhet nga avokati mbrojtës i Alvesh apo nga prokuroria. Sipas avokatëve të futbollistit ato mesazhe pasqyrojnë normalitetin dhe sigurojnë që në momentin që u zhvillua ajo bisedë, kushëriri tashmë e dinte se çfarë kishte ndodhur në tualet”.

Nga ana e saj, avokatja e “viktimës” ka një tjetër interpretim të bisedës: “Ajo që bëri miku i futbollistit brazilian ishte kontakti me ta për të krijuar një marrëdhënie dhe për të identifikuar nëse në ndonjë moment kishin ndërmend të bënin ndonjë padi”.

PANORAMASPORT.AL