Daja: Hoxha të presë gabimin e Teqjes për t’i marrë formacionin. Ja pse biem në pjesën e dytë

Panorama Sport | Lajmet e fundit nga sporti

Postuar: Dhjetor 4, 2021 | 19:39

Daja: Hoxha të presë gabimin e Teqjes për t’i marrë formacionin. Ja pse biem në pjesën e dytë

Trajneri i Partizanit, Ilir Daja, ka vlerësuar suksesin e skuadrës së tij ndaj një kundërshtari impenjativ si Skënderbeu. Ai ka vlerësuar paraqitjen e ekipit, ndërsa ka theksuar se luhatjet ndoshta vinin nga mungesa e eksperiencës e lojtarëve të rinj.

DAJA

“Kemi bërë një pjesë të parë shumë të mirë, ndër më të mirat që kemi bërë në këto javë të kampionatit. Besoj që mund ta kishim shmangur pësimin e golit të parë dhe mund të shfrytëzonim rastet për të çuar ekipin në pushim me një rezultat ndoshta më të thellë. Ajo që gabuam në pjesën e dytë ishte qarkullimi i avashtë i topit që i dha mundësinë kundërshtarit të spostohej nga një linjë në tjetrën, e bëmë shumë mirë në pjesën e parë por ulëm ritmin në pjesën e dytë.

Duke u nisur nga faza e parë që kemi bërë lojë të mirë e nuk morëm pikë, marrja e pikëve është pozicionim më i mirë në tabelë. Pjesa e dytë që nuk është ku duhet, titullarët pothuajse kanë përballuar të gjithë ndeshjet pasi kemi pasur dëmtime. Me pjesën që po afrohet me Magët, rritjen e formës së Kacces, me të tjerët mundet që atë ritëm që mbajtëm në pjesën e parë mund ta shtyjmë në minutazh më të madh në vijim.

Teqja jo vetëm sot, por ka një paraqitje goxha të mirë që në momentin kur është portieri që mbron portën tonë prej disa ndeshjesh dhe ka bërë goxha mirë. Sot një pjesë e madhe e tre pikëve i shkon Teqjes, siç ka bërë edhe në ndeshjet e tjera.

Alban Hoxha nuk është grumbulluar se nuk është në formën e tij dhe stafi mjekësor nuk ka dhënë leje. Por nëse Teqja do të vazhdojë në të njëjtin nivel, duhet të pesë pastaj që Teqja të gabojë që të marr pozicionin në portë, edhe pse e dimë që është ndër më të mirët e kampionatit shqiptar dhe është edhe kapiten i ekipit.

Shënuesit tonë të sotëm janë të rinj, në qendër të mbrojtjes kemi Saliu që është 20-vjeçar dhe është hera e parë që luan më ekip të parë, kemi Albion Markun që është 21 vjeç. Janë të rinj që ndoshta edhe në pësimin e golave kanë qenë gabime që mund të shmangeshin. Këto lojtarë e vuajnë shumë dhe nuk kanë eksperiencën dhe në presion psikologjik. Ne kemi pësuar gola, por i pësojmë ndoshta të evitueshëm dhe mendoj se lojtarët e rinj me minutazh e eksperiencë, mund të evitojmë gola që pësojmë ndeshje për ndeshje.

Po ti referohemi fazës së parë, asnjë nga skuadrat në vijim si Vllaznia, Dinamo e Kukësi, nuk na kanë marrë fitore. Kemi dalë barazim por në minutazh më të madh kemi qenë superiorë. Besoj që ccdo ekip si Vllaznia e radhës apo tjetër, vlerësohet gjithmonë njëlloj dhe as nuk mbivlerësohet e as nuk nënvlerësohet. Do përballemi edhe hetë të tjera me këto ekipe dhe besoj që kemi kualitetin për t’u përballur me këdo. Në fazën e parë kemi qenë në krizë pikësh por në lojë nuk jemi dominuar asnjëherë”, tha Daja.

PANORAMASPORT.AL

NDIQE LIVE "PANORAMA TV"