Cuculi: Këtë trofe ia dedikoj të gjithë shqiptarëve anë e mbanë botës
Mbrojtësi Ardian Cuculi ishte një nga protagonistët kryesorë të triumfit të Shkëndijës. Në një prononcim për “Supersport” ishi i Partizanit ia dedikon këtë sukses të gjithë tifozëve shqiptare anë e mbanë botës.
“Ky sezon ka qenë shumë i bukur, gjithë viti ka qenë shumë i suksesshëm. Kemi bërë 30 fitore dhe mbi 100 gola. Nuk ka ndodhur ndonjëherë në futbollin e Maqedonisë kjo diferencë, jemi të lumtur që bëmë krenar çdo shqiptar. Sezonet e mëparshme ishin për tu harruar. Një pakujdesi e vogël në momente të veçanta.
Jemi krenar për suksesin e këtij viti, shpresojmë të vazhdojmë edhe në Europë. Këtë trofe ia dedikoj familjes sime dhe gjithë tifozëve shqiptarë anë e mbanë botës. Do bëjmë pak pushim për të rikuperuar forcat dhe për të bërë tifozët më krenarë në Europë”, u shpreh Cuculi për “Supersport”.
NDIQE LIVE "PANORAMA TV"