Postuar: Shkurt 5, 2018 | 15:45
Çobani: Lushnja e do futbollin, gjyqtarët po boshatisin stadiumet
Koordinatori i klubit lushnjar, Artur Çobani, ka shpërthyer pas ndeshjes kundër gjyqtarëve. “Ishte një ndeshje e bukur, ku të dyja skuadrat dhuruan gjithçka në fushën e lojës.
Bukurinë ia prishin gjithmonë këto gjykime joprofesionale. Nuk është puna se dua ta quaj të njëanshëm apo të ndikuar. Dua të lavdëroj publikun. Skuadra e vendit të fundit mbush stadiumin sepse Lushnja e do futbollin.
Duartrokasin Gjirokastrën dhe mbështesin skuadrën e tyre, ndërsa arbitri ndalon lojën për të nxjerrë tifozët jashtë. Por, a mund të bëhet kjo? A mund të bëhet një ndeshje futbolli pa tifozë? Ndeshjen e shëmtoi Meta, që unë nuk e di se çfarë lloj gjyqtari mund të jetë”.
NDIQE LIVE "PANORAMA TV"