Çelsi thyhet nga PSG, Ibra çon francezët në çerekfinale (VIDEO)
UPDATE/ Francezët e PSG-së janë kualifikuar për në çerekfinalen e Ligës së Kampionëve. Fitorja e arritur mbrëmjen e së mërkurës ndaj Çelsit me rezultatin 1-2, u vendos nga Rabiot dhe Ibrahimoviç.
Goli i suedezit u shënua në minutën e 67′ të pjesës së dytë. Ndërsa 45′ minutat e para përfunduan në barazim 1-1.
Diego Kosta barazoi rezultatin për Çelsin në minutën e 27′, duke rihapur takimin për blutë, pas golit të avantazhit nga Adrien Rabiot në minutën e 16’ të pjesës së parë. Ky i fundit shënoi pas një pasimi që mori nga Ibrahimoviç nga krahu i djathtë.
Pas kualifikimit të Benfikës ndaj Zenitit në çerekfinalen e Ligës së Kampionëve, Çelsi luajti ndeshjen e kthimit ndaj PSG-së, paçka se edhe shifrat në letër flisnin për PSG-në.
Më herët, Reali i Madridit dhe Volfsburg janë dy skuadrat e tjera të kualifikuara në tetë më të mirat e Europës.
Formacionet zyrtare:
Çelsi (4-2-3-1): Courtois; Azpilicueta, Cahill, Ivanovic, Kenedy; Mikel, Fabregas; Pedro, Ëillian, Hazard; Diego Costa
PSG (4-3-3): Trapp, Marquinhos, Thiago Silva (c), David Luiz, Maxëell, Thiago Motta, Rabiot, Matuidi, Di Maria, Moura, Ibrahimovic.
NDIQE LIVE "PANORAMA TV"