Cana e Lenjani s’ndalen, Rashica vendimtar
Ai mungonte prej tri javësh dhe Viteshe nuk dinte të fitonte. Milot Rashica u rikthye në formacionin titullar pas dëmtimit dhe skuadra e tij triumfon 3-0 përballë Herenvenit. Një asist në minutën e 20-të shndërrohet në gol për ekipin e shqiptarit. Jo vetëm kaq, por në të 53-ën Rashica fitoi një penallti, e cila e bëri Viteshen që të thellonte rezultatin në 3-0. Ai la fushën e lojës në minutën e 72-të.
Francë- Lorik Cana dhe Lenjani ishin përkrah njëri-tjetrit në ndeshjen që Nantë e fitoi me rezultatin 2-1 me Lorientin. Shqiptarët i gëzohen ecurisë mjaft pozitive të ekipit francez e me këtë trepikësh e sheh veten në vend të pestë.
Zvicër- Për të ardhur keq për Vaduzin e Armando Sadikut. Skuadra e tij dhe e Albion Avdiajt, sulmuesit të Kombëtares U-21 ka humbur mundësinë e artë për të marrë një tjetër trepikësh. Pas avantazhit në minutën e tetë, janë barazuar në të 93-ën nga Jong Bois.
Itali- Arlind Ajeti rikthehet nga dëmtimi dhe merr minuta në fitoren 1-2 të Frozinonës në transfertë me Empolin, ndërkohë që Migjen Basha ka debutuar me Komon që barazoi 1-1 me Novarën.
Gjermani- Mërgim Mavraj është tashmë i përhershëm në formacion dhe Këlni i tij ka fituar 3-1 përballë Eintrahtit të Frankfurtit. Pas tre takimesh, skuadra, me shqiptarin në fushë, është rikthyer te tri pikët. Disi “fajtor” në golin e barazimit për miqtë, por gjatë gjithë takimit Mavraj ka qenë garanci e shtuar. Vetëm barazim 1-1 për Koniasporin e Alban Mehës që është ndalur nga Osmanlispori
NDIQE LIVE "PANORAMA TV"