Caktohet kalendari i turit tjetër të Kupës, supersfida është Tirana-Vllaznia
Skema e përcaktuar nga FSHF për turneun e Kupës së Shqipërisë bën që në muajin tetor, në turin e dytë të këtij kompeticioni, të luhet një “klasike” e futbollit shqiptar, Tirana-Vllaznia.
Të dy skuadrat e vendosur anë Grupin A, pasi kanë siguruar kalimin e turit, do të vihen përballë njëra-tjetrës në këtë turne të cilin e kanë primar sa u përket ambicieve të tyre për një trofe dhe rrugën e vetme për të shkuar në Europë. Kjo do të jetë përballja e parë mes dy skuadrave që nga ndeshja e famshme që mbylli kampionatin e kaluar, duke dekretuar rënien nga kategoria të Tiranës.
Sa u përket ndeshjeve të tjera, interesant është edhe dueli në Grupin B mes Bylisit, që është mes pretendentëve për t’u ngjitur në Superiore dhe Luftëtarit që gjendet në elitën e futbollit shqiptar ndërsa nuk ka fshehur ambiciet për një biletë europiane për sezonin e ardhshëm.
TURI I DYTË
18.10.2017-01.11.2017
GRUPI A
- Erzeni-Kukësi (1)
- Besëlidhja-Skënderbeu/Mamurrasi* (2)
- Kamza/Iliria*-Teuta (3)
- Tirana-Vllaznia (4)
Turi i tretë
31.01.2018-14.02.2018)
4-1
3-2
GRUPI B
- Pogradeci-Partizani (5)
- Bylis-Luftëtari (6)
- Lushnja-Laçi (7)
- Turbina-Flamurtari (8)
Turi i tretë
31.01.2018-14.02.2018)
8-5
7-6
Shënim
*Nuk janë luajtur ende ndeshjet e kthimit
NDIQE LIVE "PANORAMA TV"