Buzëqeshje dhe optimizëm në kampin e Kukësit, Orges Shehi nis menjëherë javën kundër Vllaznisë
Orges Shehi nuk ka humbur kohë, por menjëherë pasi ka përfunduar prezantimin si trajner i Kukësit i është drejtuar fushës për të takuar lojtarët dhe për të zhvilluar seancën e parë stërvitore.
Para se të fillonte stërvitjen, Shehi sigurisht që pati një takim të shkurtër me skuadrën duke i bërë të njohur idetë e tij, ndërkohë fytyra të qeshura dhe plot optimizëm shihen në fotot nga fusha e blertë. Një arsye më tepër për optimizëm është dhe fakti se Shehi do të ketë në rolin e zëvendës trajnerit, Rrahman Hallaçin, ish-kapitenin e ekipit verilindor.
Kukësi vendosi ta shkarkojë ish-trajnerin Shpëtim Duro pas barazimit me Teutën të shtunën, për shkak të mungesës së rezultateve në tre javët e fundit, ndërkohë presidenti Safet Gjici ka paralajmëruiar gjithashtu trajnerin e ri Orges Shehi se do të shkarkohet në fund të sezonit nëse nuk fiton kampionatin.
PANORAMASPORT.AL
NDIQE LIVE "PANORAMA TV"