Dinamo ka nisur dje me prezantimet zyrtare të lojtarëve të afruar gjatë merkatos së verës, të cilët po stërviten me ekipin prej më shumë se një muajsh.

Fillimisht e ka bërë me mbrojtësin e majtë, Ilir Allmuça, për të cilin është rikthim në shtëpi pas aventurës te Egnatia.

Gjithashtu, u zyrtarizuan transferimet e sulmuesve Redon Danaj dhe Taulant Marku, si dhe mbrojtësit nigerian, Dikson Amos.

Ndërkohë, “Panorama Sport” mëson se ka një hipotezë për një huazim të mundshëm të sulmuesit Arturo Rexhinaldo në një nga klubet e Superiores.

Gjasat janë që të jetë Teuta e Durrësit, aty ku janë huazuar edhe Albion Marku e David Fejzulla.

Megjithatë, mbetet për t’u parë se çfarë do të ndodhë sot, që është edhe dita e fundit e merkatos.

PANORAMASPORT.AL

NDIQE LIVE "PANORAMA TV"

---