Postuar: Korrik 8, 2018 | 12:57
Braziliani i Luftëtarit prezanton uniformat e reja duke bërë… shqiponjën
Me simbolin e shqiponjës nuk janë të dashuruar vetëm lojtarët shqiptarë që luajnë anembanë botës, por edhe të huaj që janë pjesë e Superiores.
Mbrojtësi brazilian i Luftëtarit, Xhekson Ferreira, që shkëlqeu në kampionatin e kaluar me gjirokastritët, duke qenë një prej zbulimeve më befasuese të kampionatit, ka zbuluar uniformat e reja të klubit në prag të pjesëmarrjes në Europë.
Ai ka pozuar bashkë me Dejvi Bregun, duke garantuar se krahu i majtë është “top”, ndërsa në një foto tjetër ka bërë simbolin e flamurit shqiptar.
Nuk është hera e parë që Xhekson bën shqiponjën, pasi edhe pak ditë më parë postoi në “Instagram” një foto me Eduard Rrocën.
NDIQE LIVE "PANORAMA TV"