Postuar: Qershor 9, 2022 | 21:55
Braktisti Kosovën për Suedinë, mbrojtësi debuton zyrtarisht ndaj… Serbisë
Kosova edhe zyrtarisht e ka humbur lojtarin Edvin Kurtulus. Mbrojtësi që u ftua nga trajneri i “Dardanëve” për ndeshjet e qershorit kishte braktisur përfaqësuesen e Kosovës, teksa mori ftesën tjetër nga Suedia.
Para pak minutash, Kurtulus u fut në lojë për Suedinë në ndeshjen ndaj Serbisë, që do të thotë se nuk do të ketë më mundësi të luaj për Kosovën, pas debutimit zyrtar në Ligën e Kombeve.
Kurtulus kishte luajtur dy ndeshje me Kosovën në të kaluarën. Ndërkohë në duelin e sotëm ndaj Serbisë, 22-vjeçari u hodh në fushë në minutën e 42-të, duke zënë vendin e Nilson që la fushën i dëmtuar.
PANORAMASPORT.AL
NDIQE LIVE "PANORAMA TV"