“Boll më pyetët, ai nuk është në xhepin tim”, mbrojtësi i Mançesterit tallet keq me Salah
Mançesteri Junajtid mposhti javën e kaluar, Liverpulin me rezultatin 2-1, në kryendeshjen e javës. Kjo fitore u përgëzua shumë nga tifozët e “Djajve te Kuq”, pasi u arrit ndaj rivalit të tyre të përjetshëm.
Ai që mori përgezimet më të mëdha pas takimit, ishte mbrojtësi Eshti Jang. Anglezi bëri një paraqitje të shkëlqyer duke neutralizuar plotësisht “yllin” e Liverpulit, Muhamet Salah.
Jang u vlerësua edhe nga trajneri Murinjo, si futbollisti kyç që i dha fitoren Junajtid. Ndërkohë vetë mbrojtësi, nuk ka nguruar të ironizojë neutralizimin e Salah.
Në një postim në “Instastory”, futbollisti i Mançesterit, ka postuar një foto të tijën në stërvitje, me një mbishkrim: “Mjaft më pyetët! Ai nuk është në xhepin tim, betohem që nuk është”. Një batutë therresë që do kapërdihet lehtë nga egjiptiani Salah.
