Bisedime me menaxherin, mbetet një “spiral” për Vidalin. Interit i propozohet edhe… Kuçka
Aksi mbetet i nxehtë po ashtu si raportet e mira mes palëve. Fernando Feliçeviç dhe Xhuzepe Marota njihen mirë që prej verës së 2011-ës, kur së bashku bënë të mundur transferimin e Arturo Vidalit te Juventus nga Bajer Leverkuseni.
Nga sa filtron mes përfaqësuesve të futbollistit, nuk ka siguri qëndrimi në Katalonjë, pavarësisht largimit të Ernesto Valverdes nga stoli katalanas. Që do të thotë: për Interin ekziston ndonjë spiral i hapur dhe zikaltrit, me thesarin nga shitja e mundshme e Matias Vesinos, mund të rikthehen në sulm (për uruguaianin Evertoni ka ofruar 14, nevojiten 18).
GODITJE “LOW COST” – Normalisht pista mbetet e ndërlikuar nga faktorë të ndryshëm, së pari kohët e ngushta, meqenëse Barça do duhet të gjente zëvendësuesin.
Palët nuk kanë reshtur së biseduari, edhe të dielën ka pasur një kontakt: Interit i është propozuar edhe një tjetër klient i Feliçeviç, ose më saktë Çarls Aranguiz, në skadencë me Leverkusenin (çfarë rastësie!) dhe që mund të largohet me pak para: 5 milionë euro. Gjithmonë duke qëndruar te shanset me kosto të ulët, një emër që po qarkullon prej disa orësh është Juraj Kuçka i Parmës.
POLITANO DHE PINAMONTI – Ndërkohë, në kuadër të largimeve, ditën e djeshme Mateo Politano ka kryer vizitat mjekësore me Napolin. “Axurrët” paguan 2 milionë euro për huazimin dhe do të shtojnë 19 milionë vitin e ardhshëm për detyrimin e blerjes. Pas kësaj lëvizjeje klubi jugor ka treguar interes edhe për Andrea Pinamontin, sulmuesin 20-vjeçar, i huazuar te Xhenoa por në pronësi të Interit: oferta e parë ka qenë prej 18 milionë eurosh.
PANORAMASPORT.AL
NDIQE LIVE "PANORAMA TV"